Este luns soubemos da morte de Clive Arrindell, o actor británico coñecido como o calvo da Lotaría de Nadal porque protagonizou o anuncio do Gordo entre os anos 1998 e 2005. Foi toda unha icona do sorteo.

O pasamento do calvo da lotaría transcendeu dun xeito un tanto particular. Deu a noticia un loteiro dunha vila de Murcia que, polo visto, recibiu unha carta dun amigo do actor. Miguel Ángel Zapata, da administración murciana de San Pedro del Pinatar, intentou contactar co actor británico para protagonizar un dos episiodios dun videopodcast que fai sobre a sorte.

Segundo relatou, foron amigos de Arrindell os que lle confirmaron que o intérprete faleceu no verán de 2024 , hai xa máis dun ano.

See Full Page