Assam a•doko chi bananirangko komiatna gita chibol donggipa biaprangko dam dake tarina Assam a•dokni Water Resources Minister Pijush Hazarika, gong crore 692-ni project-ko Sukrobar salo parakataha.

Ia project-na dam 15 biaprangko seokmanaha aro tender-rangko on•manaha ineba Hazarika aganaha.

Iani bidingo Guwahati songjinmao ong•atanggipa press conference-o kobor ra•timgiparangna talataniko on•angengon, ia project-ko a•bachengatanichi bilsi bongani gisepon Assam a•doko chi bananirangko komiatna man•gen ine Water Resources Minister aganaha.

Uni jatni kosako chonnikani kattarangko aganaha ine Congress dolko jegalatengon, ian Congress dolni ‘Schedule caste’ jatrangni kosako mitchianiko mesokani ong•a ine Hazarika matnangataha.

See Full Page