‘Vande Mataram’-ni bilsi 150 gapaniko Sukrobar salo Assam sorkari, Guwahati songjinmani Dispur-o donggipa Janata Bhawan-o maniangaha.

Ia manianio, Assam a·dokni Chief Minister Himanta Biswa Sarma, Cabinet minister-rang, chong·motan Ranjit Kumar Das aro Jayanta Malla Baruah baksana sorkari official-rang aro chatro chatrirangba bak ra·angtokaha.

Ia salko manianio, Assam a·dokni Cabinet Minister Jayanta Malla Baruah aganprakengon, ‘Vande Mataram’ kattarangara, a·songna on·kangani gisikko bariatgipa ong·a ine aganaha.

Congress dolni kosako matnange aganangengon, Gandhi-Nehru nokdang baksade Congress dolmangmangsan dongaiaha aro a·songni pilak manderangan uamang baksa ong·jaha ine Baruah aganaha.

See Full Page