A vicepresidente terceira e ministra de Transición Ecolóxica e o Reto Demográfico, Sara Aagesen, asegurou este mércores que o Goberno incrementou desde 2018 ata 2025, "practicamente un 50 por cento", o orzamento destinado a prevención e extinción de incendios forestais.
Aagesen compareceu ante a comisión de Transición Ecolóxica do Senado, en sesión extraordinaria a pedimento do PP, para informar sobre as medidas adoptadas polo seu ministerio ante a grave situación dos incendios forestais deste mes de agosto.
Destacou especialmente o papel "crucial" da Aemet na difusión de previsións para a loita contra o lume, poñendo a disposición os seus prognósticos e os seus mapas de risco. "Puxo todo a disposición para axudar nesta situación tan crítica", dixo.
A dimensión do ocorrido "tennos que l