Sngewlem ka BJP ia ka jingkhlad noh u Dr Lapang, ka Jylla ka la duh ia u nongialam ba shisha

Ka Bharatiya Janata Party (BJP) ka Jylla ka la pynpaw ka jingsngewsih halor ka jingkhlad noh jong u Myntri Rangbah barim ka Jylla u Dr DD Lapang ia uba u khot ieit kum u ‘Maheh’.

U Dr Lapang u riew pawkhmat ba radbah ha ka sain pyrthei ka jylla Meghalaya u la bat kum u Myntri Rangbah ka Jylla haduh saw sien kynthih, kata naduh u snem 1992 haduh u 2010, bad hadien kum u Chief Advisor jong ka sorkar haduh u snem 2024.

Ka Seng ka la niew ia u Dr Lapang kum u riew sain pyrthei uba pawnam, u nongialam paidbah bad u nonghikai uba aiti lut ia la ka jingim ha ka kam shakri paidbah.Ka jinglong nongialam ba iohi jngai jong u ka la don ka bynta kaba kongsan ha kaba saindur ia ka lawei jong ka jylla, kynthup ruh ia ka jingthaw ia ka Ri Bhoi District.

Ka jinglong rit mynsiem, ka jinglong hok, bad ka