M’laya-o Mahatma Gandhi-ni atchiani salko gisik ra·a

Meghalaya a·doko Father of The Nation chong·motan Mahatma Gandhi-ni atchiani salko Bristibar salo gisik ra·aniko dakangaha.

Ia manianiko a·dokni mongsonggipa Secretariat-o ong·ataha aro ia manianio, a·dokni Chief Secretary Dr. Shakliar P. Ahmed-ni dilanio, Education Department-ni Secretary Swapnil Tembe, Governor-ni Commissioner Secretary Dr. BDR Tiwari, IPR-ni Commissioner Secretary Vijay Kumar Mantri, Deputy Commissioner RM Kurbah, sorkari officialrang aro staff-rang bak ra·angaha aro uamang Mahatma Gandhi-ni mangkrongo pulrangko done mande ra·aniko mesokangaha.

Uasan ong·aigija, Meghalaya Secretariat Home Guards (MSHG) aro Central Training Institute, Civil Defence & Home Guards (CDHG)-ni pipe band-ba dongpae bak ra·angaha.