Sngewlem ka MEPA halor ka jingkhlad noh u President ba nyngkong u Dr DD Lapang

Ka Synjuk Ki Nongpathai Khubor ka Jylla, ka Meghalaya Editors and Publishers Association (MEPA) ka pynpaw ka jingsngewsih bad sngewlem halor ka jingkhlad noh u President ba nyngkong eh jong ka, u Dr. DD Lapang, uba dei ruh u riew sain pyrthei ba khraw tam ka jylla.

Hashwa ba un shimti kum u President ka MEPA, u Dr. Lapang u la noh synñiang shikatdei eh na ka bynta ka kam pathai khubor hadien ba u la shimti bad seng ia ka kotkhubor U Peitngor ka ba la shakri ia ka imlang sahlang bad kyntiew ia ki rangbah bad samla ha ka kam thoh khubor kaba dang iai bteng haduh mynta mynne.

Ka phangma ban kyntiew shaphrang ia ka kam thoh bad pathai khubor ka la nang bteng shuh shuh ha ba u la aiti kawei ka shlem treikam ki nongthoh khubor, ka iing ba pura ia ka Shillong Press Club khnang ba ki nongthoh kh